Patakaran sa Privacy

Bilang parte ng aming pang-araw-araw na negosyo kailangan naming kolektahin ang personal na impormasyon ng aming mga kliyente at prospektibong kliyente para mabigyan sila ng mga produkto at serbisyo at para masigurado na natutugunan ang kanilang mga pangangailangan kapag ibinibigay ang mga produkto at serbisyong ito at kapag ipinapaalam sa kanila ang mga kaugnay na impormasyon.

Napakahalaga para sa'min ng privacy mo at patakaran namin na pangalagaan at respetuhin ang pagiging kumpidensyal ng impormasyon at privacy ng mga indibidwal. Sakop ng aming Patakaran sa Privacy kung paano kinokolekta, ginagamit, at pinamamahalaan ng Trading Point of Financial Instruments Ltd (ang "Kumpanya" o "XM") ang personal na impormasyon mo na nakuha namin mula sa'yo o sa ikatlong partido kaugnay ng pagbibigay-serbisyo namin sa'yo o sa paggamit mo ng aming mga serbisyo at/o website (ayan ay, www.xm.com) at/o mga kaugnay na website at app kabilang ang Members Area ng Kumpanya. Ipinapaalam din sa'yo nitong Patakaran sa Privacy ang karapatan mo kaugnay ng pagproseso namin ng iyong personal na impormasyon.

Ang aming Patakaran sa Privacy ay regular na sinusuri para siguraduhin na ang mga bagong obligasyon at teknolohiya, mga pagbabago sa aming negosyo at kasanayan ay isinasaalang-alang at nananatiling angkop sa pabagu-bagong regulasyon. Lahat ng personal na impormasyon na hawak namin ay sakop ng aming pinakabagong Patakaran sa Privacy.

Mangyaring tandaan na kung isa kang kasalukuyan o dating empleyado ng Kumpanya, nag-a-apply ng trabaho, kontratista ng Kumpanya o isang ikatlong partido na tagapagbigay ng serbisyo, ang iyong personal na impormasyon ay gagamitin kaugnay ng iyong kontrata sa trabaho o iyong pakikipag-kontrata, anuman ang naaangkop.

Ang aming Patakaran sa Privacy ay nilalayon para sa ginagawang pagproseso ng XM sa personal na datos ng mga kliyente o potensyal na kliyente, mga bumibisita sa website, mga nag-a-apply ng trabaho, at mga kasalukuyan o dating empleyado ng Kumpanya. Hindi naaangkop ang Patakaran sa Privacy para sa mga website na pinapatakbo ng ibang organisasyon at/o ibang ikatlong partido.

Ang Trading Point of Financial Instruments Ltd ay lisensyado ng Cyprus Investment Firm (CIF), regulado ng Cyprus Securities and Exchange Commission (CySEC) sa ilalim ng lisensya numero 120/10, at may rehistradong opisina sa 12 Richard & Verengaria Street, Araouzos Castle Court, 3042 Limassol, at P.O. box 50626, 3608 Limassol, Cyprus.

Bahagi ng XM Group ang Trading Point of Financial Instruments Ltd. Iba-iba ang Patakaran sa Privacy ng bawat sangay ng XM Group. Nagpapatakbo ng kani-kanilang websites ang mga naturang kumpanya, at dahil dito, kung interesado kang malaman kung paano nila pinoproseso ang iyong personal na datos, mangyaring basahin ang pahayag sa privacy na makikita sa kani-kanilang websites.

Nirerespeto ng Kumpanya ang privacy ng sinumang gumagamit ng (mga) website nito, kaya naman dedikado ito sa pagpapatupad ng lahat ng makatwirang hakbang para pangalagaan ang mga kasalukuyan o potensyal na kliyente, aplikante at mga bisita sa website.

Tinatago ng Kumpanya ang anumang personal na datos ng mga kliyente/potensyal na kliyente alinsunod sa mga batas at regulasyon sa pagprotekta ng datos.

Mayroon kaming mga kinakailangan at nababagay na teknikal at pang-organisasyon na patakaran at proseso para siguruhin na palaging ligtas ang iyong impormasyon. Patuloy naming sinasanay at tinuturuan ang aming mga empleyado tungkol sa kahalagahan ng pagpapanatili, pangangalaga at pagrespeto sa iyong personal na impormasyon at privacy. Itinuturing namin na napaka-seryoso ang paglabag sa privacy ng mga indibidwal at maglalapat kami ng nararapat na parusa, kabilang na ang pagsisisante, kung kinakailangan. Nagtakda din kami ng Data Protection Officer para siguruhin na pinamamahalaan/pinoproseso ng Kumpanya ang iyong personal na impormasyon alinsunod sa mga nararapat na batas at regulasyon sa pagprotekta ng datos, at ayon sa Patakaran sa Privacy na ito.

Ang personal na impormasyon na ibinigay mo sa amin noong nagrehistro ka bilang user ng (mga) site ng Kumpanya at/o ng mga serbisyo nito ay itinuturing bilang nakarehistrong impormasyon na pinoprotektahan sa iba't-ibang paraan. Maaari mong ma-access ang iyong nakarehistrong impormasyon pagkatapos mong mag-login sa Members Area sa pamamagitan ng paglalagay ng username at password na iyong napili. Responsibilidad mong siguruhin na ikaw lang ang nakakaalam ng iyong password at hindi ito ibibigay kahit kanino. Ang nakarehistrong impormasyon ay ligtas na nakatago sa isang ligtas na lugar at tanging mga awtorisadong tao lamang ang makaka-access nito sa pamamagitan ng username at password. Lahat ng personal na impormasyon ay ipinapadala sa Kumpanya gamit ang ligtas na 128-bit SSL connection kaya naman ginagawa lahat ng mga kinakailangang hakbang para maiwasan ang mga hindi awtorisadong partido sa pagkuha ng naturang impormasyon. Ang personal na impormasyon na ibinigay sa Kumpanya na hindi itinuturing bilang nakarehistrong impormasyon ay itinatago din sa isang ligtas na lugar at maa-access lamang ng mga awtorisadong tao sa pamamagitan ng username at password.

Hindi palaging ligtas ang pagpapadala ng impormasyon sa pamamagitan ng internet ngunit sinusubukan ng Kumpanya na protektahan ang iyong personal na datos sa pamamagitan ng seryosong pag-iingat. Sa sandaling natanggap namin ang iyong impormasyon, maglalapat kami ng mga panuntunan at panukalang pang-seguridad para maiwasan ang hindi awtorisadong pag-access dito.

Para makapagbukas ng account sa amin, kailangan mo munang kumpletuhin at ipadala ang application form sa pamamagitan ng pagkumpleto ng kinakailangang impormasyon. Sa pagkumpleto ng application form, pinapakiusapan kang ilagay ang iyong personal na impormasyon para bigyang-daan ang Kumpanya na suriin ang iyong aplikasyon at makasunod sa mga kaugnay na batas at regulasyon. Ang impormasyon na ibibigay mo ay maari ding gamitin ng Kumpanya para ipaalam sa iyo ang mga serbisyo nito.

Kabilang sa mga impormasyon na maari naming kuhanin mula sa iyo ay ang mga sumusunod:

• buong pangalan, address at detalye ng contact (hal., email address, telepono, fax, atbp.);

• petsa ng kapanganakan, lugar ng kapanganakan, kasarian, nasyonalidad;

• impormasyon tungkol sa iyong kita at yaman, kabilang ang detalye tungkol sa pinagkukuhanan mo ng pondo, assets at liabilities, impormasyon ng bank account, trading statements, FATCA at CRS at financial statements;

• Balanse ng trading account, aktibidad sa pag-trade, iyong mga katanungan at aming mga sagot

• Impormasyon sa kung may malaki kang posisyon sa gobyerno (Politically Exposed Persons o PEP)

• Propesyon at detalye ng trabaho

• Datos sa pag-authenticate (hal., pirma)

• datos sa lokasyon;

• galing sa pag-trade, kaalaman at karanasan;

• impormasyon sa pag-verify, kabilang ang impormasyon na kinakailangan para i-verify ang iyong pagkakakilanlan gaya ng pasaporte o lisensya sa pagmamaneho (halimbawa, ang impormasyon na makukuha namin mula sa iyo na galing sa mga pampublikong tala o iba pang partido na hindi konektado sa amin); higit pa dito, maari naming kolektahin ang iba pang mga kaugnay na impormasyon gaya ng numero ng ID at/o numero ng Pasaporte/TIN;

• Iba pang impormasyon na karaniwang ginagamit para kilalanin ka at alamin ang karanasan mo sa pag-trade, na kailangan namin para maserbisyuhan ka

• aktibidad at pagkilos sa website.

Kinukuha namin amin ang mga impormasyon gamit ang iba't-ibang pamamaraan kapag ginamit mo ang aming mga serbisyo gaya ng pagpunta sa alinman sa aming mga website, apps, aplikasyon sa pagbubukas ng account, sign up forms sa demo account, sign up forms sa webinars, pag-subscribe sa mga balita at mula sa impormasyong ibinigay sa pakikipag-ugnayan sa customer service. Maari din naming kolektahin ang iyong impormasyon mula sa ikatlong partido gaya ng mga pampublikong mapagkukunan. Tinatago din namin ang mga tala ng iyong kaugalian sa pag-trade, kabilang na ang mga tala sa sumusunod:

• mga produkto na iyong itini-trade sa amin at ang performance nito;

• datos sa kasaysayan ng pag-trade at pamumuhunan na isinagawa mo kabilang na ang halagang in-invest;

• ang iyong pinipiling mga produkto at serbisyo.

Paminsan-minsan maari naming hingiin ang iba pang mga personal na impormasyon (halimbawa, sa pamamagitan ng market research o surveys).

Kung pinili mong huwag magbigay ng impormasyon kailangan naming sundin ang iyong hiling para sa anumang produkto o serbisyo ngunit may posibilidad na hindi namin maibigay sa iyo ang mga naturang produkto o serbisyo.

Maari naming itala ang anumang komunikasyon sa iyo na electronic, sa pamamagitan ng telepono, personal o iba pa, kaugnay ng mga serbisyo na ibinibigay namin sa iyo at aming pagnenegosyo sa iyo. Ang mga talang ito ay pagmamay-ari namin at magsisilbi bilang ebidensya ng ating pakikipag-ugnayan. Ang ating pakikipag-ugnayan sa telepono ay maaring i-record nang walang babala o anumang abiso. Higit pa, kung bibisitahin mo ang aming mga opisina, maari kaming magkaroon ng CCTV na magre-record sa iyong imahe.

Hindi Hinihiling na Personal na Impormasyon

Kapag nakatanggap kami ng personal na impormasyon tungkol sa isang indibidwal na hindi namin hiniling at hindi kailangan sa pagbibigay namin ng serbisyo, ligtas naming sisirain ang impormasyon (kung ito ay naaayon sa batas at ito ay makatwiran para sa amin).

Sa XM, ginagamit namin ang YouTube para ilabas, ipaalam, at ipakita ang mga video na may kinalaman sa kumpanya pati ang mga balita tungkol sa market. Para sa iba pang impormasyon, pakibasa ang Tuntunin ng Serbisyo ng YouTube at Patakaran sa Privacy ng Google.

Ang personal na datos ay itinatago sa Human Resources systems ng Kumpanya. Mayroon kaming hiwalay na kasunduan ng hindi pagpapahayag sa mga empleyado, na ibibigay namin sa iyo sa sandaling na-recruit ka na. Ang mga sumusunod na uri ng datos ay maaring kunin ng Kumpanya, kung naaangkop, sa mga kaugnay na indibidwal:

• pangalan, address, numero ng telepono, petsa ng kapanganakan, email address, kasarian, katayuan sa pag-aasawa, atbp.;

• CV at iba pang impormasyon na nakuha noong ni-recruit ka;

• mga sanggunian mula sa mga dating employer;

• numero ng Pambansang Insurance;

• datos sa kriminal na hatol;

• titulo sa trabaho, paglalawaran ng trabaho at ranggo ng sweldo;

• mga isyu sa pag-uugali gaya ng sulat sa pagkabahala at mga paglilitis na pangdisiplina;

• impormasyon sa panloob na performance;

• kasaysayan o impormasyong medikal o pangkalusugan;

• mga code sa buwis;

• mga tuntunin at kundisyon ng trabaho;

• detalye ng pagsasanay.

Maari din naming tanungin ang iba pang personal na impormasyon kung sa tingin namin na kailangan ito sa layunin ng pagre-recruit.

Kung hindi ka natanggap sa trabaho, kukunin namin ang iyong pahintulot na itago ang iyong datos kung sakaling magkaroon ng nababagay na trabaho sa Kumpanya na sa tingin namin ay gusto mong pasukan. May karapatan kang huwag pumayag dito at walang masama kung ito ang napagdesisyunan mo.

Maari naming iproseso ang iyong personal na datos alinsunod sa mga sumusunod na basehan o layunin:

1. Pagpapatupad ng isang kontrata

Pinoproseso namin ang personal na datos para mabigay sa iyo ang aming mga serbisyo at produkto, pati na ang impormasyong may kinalaman sa aming mga produkto at serbisyo batay sa aming relasyon sa mga kliyente (ayan ay, para maisagawa ang aming mga obligasyon). Higit pa dito, ang pagproseso ng personal na datos ay isinasagawa para makumpleto ang mga proseso sa pagtanggap ng mga kliyente.

Dahil dito, kailangan naming i-verify ang iyong pagkakakilanlan bago ka namin tanggapin bilang kliyente at gagamitin namin ang mga naturang detalye para epektibong pamahalaan ang iyong trading account at masigurado na nakakakuha ka ng magandang serbisyo. Maaaring kabilang dito ang mga ikatlong partido na nagche-check ng credit o pagkakakilanlan para sa'min. Kailangang gamitin ang iyong personal na impormasyon para malaman namin kung sino ka, dahil meron kaming legal na obligasyon na sumunod sa Know Your Customer at Customer Due Diligence.

2. Pagsunod sa legal na obligasyon

May mga kailangan kaming sundin na iba't-ibang legal na obligasyon na nagmumula sa mga kaugnay na batas, pati ng mga kinakailangan sa regulasyon (hal., mga batas sa anti-money laundering, batas sa pangpinansyal na serbisyo, batas sa korporasyon, batas sa privacy, at batas sa buwis). Mayroon ding iba't-ibang awtoridad na nagpapataw sa amin ng magkakaibang batas at regulasyon. Kabilang sa mga obligasyong ito ang pagproseso ng personal na datos para sa pag-check ng credit, pag-verify ng pagkakakilanlan, pagproseso ng pagbabayad, pagsunod sa korte, batas sa buwis, o iba pang obligasyon sa pag-report, at mga patakaran sa anti-money laundering.

Ang mga obligasyon na ito ay ginagamit sa iba't-ibang panahon, kabilang ang pagtanggap sa kliyente, kabayaran at pagsuri para sa pagpapababa ng risk.

3. Para sa layuning pangalagaan ang lehitimong interes

Pinoproseso namin ang personal na datos para pangalagaan ang lehitimong interes na itinataguyod namin o ng ikatlong partido. Lehitimong interes ang tawag kapag mayroong kaming pang-negosyo o pang-komersyal na rason para gamitin ang iyong impormasyon. Gayunpaman, hindi ito dapat lumabag sa kung ano ang tama at kung ano ang pinakamahusay para sa iyo. Ang halimbawa ng mga ganitong aktibidad ay ang mga sumusunod:

• Pagsisimula ng legal na demanda at paghahanada ng aming depensa sa paglilitis

• mga paraan at proseso na isinasagawa namin para sa IT at seguridad ng sistema ng Kumpanya, pagpigil sa potensyal na krimen, pagprotekta sa mga ari-arian, kontrol sa pagpapapasok at panukala laban sa trespassing;

• paglalagay ng CCTV (hal., sa aming opisina para sa seguridad);

• mga panukala para pamahalaan ang negosyo at para sa pagbuo ng mga produkto at serbisyo;

• pagbabahagi ng iyong personal na datos sa XM Group para i-update/i-verify ang iyong personal na datos kaugnay ng mga nararapat na balangkas sa anti-money laundering;

• pagpapababa ng risk.

4. Nagbigay ka ng pahintulot

Ang aming pagtago at paggamit ng iyong personal na datos ay base sa iyong pahintulot (maliban sa mga rason na inilarawan o ipinahiwatig sa patakarang ito tuwing hindi kailangan ang iyong pahintulot). Maari mong bawiin ang iyong pahintulot anumang oras; kaya lang, ang anumang pagproseso ng iyong personal na datos bago namin matanggap ng iyong pagbawi ay hindi maaapektuhan.

5. Para tukuyin ang pagiging akma ng aming mga serbisyo/produkto sa mga Kliyente

6. Para mabigyan ka ng mga produkto at serbisyo, o impormasyon tungkol sa aming mga produkto at serbisyo, at para pag-aralan ang mga kasalukuyan mong pangangailangan

Sa sandaling matagumpay kang nakapagbukas ng trading account, o nag-subscribe ka sa mga update o webinar, kailangan naming gamitin ang iyong personal na impormasyon para magawa namin ang aming mga serbisyo at matugunan ang mga obligasyon namin sa'yo. Parte din ng lehitimong interes namin na siguruhing nakakapagbigay kami sa'yo ng napakagandang produkto at serbisyo, kaya paminsan-minsan pag-aaralan namin ang iyong mga pangangailangan upang masigurado na nakukuha mo ang pinakamahusay na klase ng produkto at serbisyo mula sa amin.

7. Para matulungan kaming pagandahin ang aming mga produkto at serbisyo, kabilang ang customer service, at makagawa at maka-market ng mga bagong produkto at serbisyo

Paminsan-minsan, maaari naming gamitin ang personal na impormasyon na ibinigay mo sa'min mula sa iyong paggamit ng aming serbisyo at/o mga survey para matulungan kaming pagandahin ang aming mga produkto at serbisyo. Nasa lehitimong interes namin na gamitin ang iyong personal na impormasyon sa paraang ito para masigurado ang pinakamataas na pamantayan kapag ibinibigay sa'yo ang aming mga produkto at serbisyo, at para patuloy na maging lider sa industriya ng pinansyal na serbisyo.

Sinusubaybayan namin ang iyong aktibidad at kaugalian tuwing pumupunta ka sa site at ang datos na nakukuha dito ay ginagamit para makapagbigay kami ng mas epektibong suporta kung kailangan mo ng anumang tulong o payo sa paggamit ng aming website. Ipinapaalam namin na ang impormasyong ito ay hindi maaaring gamitin para kilalanin ka.

8. Para makabuo ng profile tungkol sa'yo

Paminsan-minsan, maari naming gamitin ang personal na impormasyon na ibinigay mo sa amin sa pamamagitan ng iyong paggamit ng mga serbisyo at/o surveys para matulungan kaming mapabuti ang aming mga produkto at serbisyo. Nasa lehitimong interes namin na gamitin ang iyong personal na impormasyon sa paraang ito para siguruhin ang pinakamataas na pamantayan kapag ibinibigay sa iyo ang aming mga produkto at serbisyo at para patuloy na maging lider sa industriya ng pangpinansyal na serbisyo.

9. Para imbestigahan o ayusin ang mga katanungan o reklamo

Maari naming gamitin ang personal na impormasyon na ibinigay mo sa amin para imbestigahan ang mga isyu at/o ayusin ang mga alitan, dahil nasa lehitimong interes namin na sigurhin na ang mga isyu at/o alitan ay iniimbestigahan at nireresolba sa mabilis at mahusay na paraan.

10. Para makasunod sa mga kaugnay na batas, utos ng korte, iba pang proseso ng hukuman, o mga kinakailangan ng alinmang tagapangasiwa ng regulasyon

Maaari naming gamitin ang iyong personal na impormasyon para makasunod sa mga kaugnay na batas at regulasyon, utos ng korte o iba pang proseso ng hukuman, o mga kinakailangan ng alinmang tagapangasiwa ng regulasyon. Ginagawa namin ito hindi lamang para makasunod sa aming legal na obligasyon, kundi dahil maaari din na nasa lehitimong interes namin ito.

11. Para mapadalhan ka ng mga survey

Paminsan-minsan, maari ka naming padalhan ng mga survey bilang bahagi ng pagkuha ng feedback mula sa mga kliyente. Nasa lehitimong interes namin na humingi ng ganitong feedback para subukang masiguro na nakakapagbigay kami ng mga serbisyo at produkto sa pinakamataas na kalidad. Kaya lang, paminsan-minsan, maari din naming hilingin sa iyo na sumali sa ibang surveys at kung papayag ka dito umaasa kami sa iyong pahintulot na gamitin ang personal na impormasyon na aming makukuha bilang parte ng nasabing survey. Lahat ng mga sagot sa anumang survey, para man ito sa feedback ng kliyente o iba pa, ay maaring pagsama-samahin at i-depersonalize bago ito ibahagi sa alinmang ikatlong partido.

12. Pagsusuri ng datos

Ang aming mga website at email ay maaaring maglaman ng web beacons o pixel tags o iba pang uri ng data analysis tools na makakapagbigay-daan para ma-track namin ang pagtanggap ng komunikasyon at para bilangin ang mga bumibisita sa aming webpage o nagbubukas ng aming komunikasyon. Maaari naming pagsamahin ang iyong personal na impormasyon (gaya ng kasaysayan sa pag-trade) at ang personal na impormasyon ng iba pa naming mga kliyente sa isang anonymous na basehan (ayan ay, tatanggalin namin ang mga makakapagtukoy sa iyong pagkakakilanlan) para makagawa ng mas masinsinang pagsusuri ng pangkalahatang kaugalian at makapagbigay kami ng mas magandang mga produkto at serbisyo.

Kung ang iyong personal na impormasyon ay ginawang anonymous, wala na kaming legal na pananagutan dahil wala na itong personal na impormasyon. Kung ang iyong personal na impormasyon ay hindi ginawang anonymous, nasa lehitimong interes namin na patuloy na suriin ang iyong personal na impormasyon para siguruhin na ang mga produkto at serbisyo na aming ibinibigay ay nababagay sa market.

13. Para sa marketing

Maaari naming iproseso ang iyong personal na impormasyon para padalhan ka ng komunikasyon sa marketing gamit ang email o telepono o iba pang pinagkasunduang paraan (gaya ng social media) para siguraduhin na palagi kang nakakasunod sa pinakabago naming produkto at serbisyo. Kung magpapadala kami sa'yo ng komunikasyon sa marketing, gagawin namin ito nang naaayon sa iyong pahintulot o kung ito ay nasa lehitimong interes namin.

Hindi namin ipapamigay ang iyong impormasyon sa ibang partido para mabigyan sila ng pagkakataon na direktang mag-market sa iyo.

14. Para sa pagpapatakbo ng negosyo at pagtago ng mga record

Maari naming iproseso ang iyong personal na impormasyon para sa panloob na negosyo at pananaliksik, at para itago ang mga record. Ang mga pagprosesong ito ay nasa aming lehitimong interes at kinakailangan para makasunod sa mga legal na obligasyon. Maaring kasama dito ang anumang pakikipag-ugnayan natin kaugnay ng mga serbisyo at produkto na ibinibigay namin at ang aming relasyon sa iyo. Itatago din namin ang mga record para siguruhin na susunod ka sa mga obligasyon kaugnay ng kasunduan na sumasakop sa aming relasyon sa iyo.

15. Mga legal na notipikasyon

Madalas, ayon sa batas, kailangan naming ipaalam sa'yo ang ilang pagbabago na may kinalaman sa mga produkto, serbisyo o batas. Maaaring kailanganin naming ipaalam sa'yo ang mga pagbabago sa mga tuntunin o katangian ng aming mga produkto at serbisyo. Pwede naming iproseso ang iyong personal na impormasyon para mapadala sa'yo ang mga naturang legal na notipikasyon. Patuloy mong matatanggap mula sa'min ang mga impormasyong ito kahit na pinili mong wag makatanggap ng direct marketing mula sa amin.

16. Pag-restructure ng korporasyon

Kung magkakaroon kami ng corporate restructuring o kung parte, o kung lahat ng aming negosyo ay binili ng ikatlong partido, maari naming kailanganin o piliin na gamitin ang iyong personal na impormasyon kaugnay ng restructuring o pagbenta ng Kumpanya. Kabilang dito ang pagbabahagi ng iyong impormasyon bilang parte ng mga katanungan alinsunod sa regulasyon o pagpapahayag kaugnay ng mga legal na kasunduan. Kabilang sa aming lehitimong interes na gamitin ang iyong impormasyon sa ganitong paraan, basta't makakasunod kami sa anumang legal/pang-regulasyon na obligasyon namin sa iyo.

17. Pisikal na seguridad

Kung papasok ka sa alinman sa aming opisina, maari naming i-record ang iyong imahe sa aming CCTV para sa seguridad. Maari din naming kuhanin ang iyong detalye para magtago ng record sa kung sino ang pumasok sa aming opisina sa alinmang araw. Nasa lehitimong interes namin na gawin ito para magpanatiling ligtas ang kapaligiran sa trabaho.

Hindi dapat ibahagi ng Kumpanya ang anumang kumpidensyal na impormasyon ng mga kliyente sa alinmang ikatlong partido, maliban na lang: (a) kapag kinakailangan ito at/o alinsunod ito sa mga kaugnay ng batas, panukala at/o regulasyon; (b) kung kinakailangan itong ibahagi sa publiko; (c) kung nasa lehitimong interes namin na ibahagi ito; o (d) kung ito ay kaugnay ng iyong pag-request o pahintulot o mga Taong inilalarawan sa patakarang ito. Susubukan ng kumpanya na ibahagi ang mga ito sa mga awtorisadong tao lamang, maliban na lamang kung inutos ito ng awtoridad. Sa mga ganitong pagkakataon, ipapaalam ng Kumpanya sa ikatlong partido ang pagiging kumpidensyal ng nasabing impormasyon.

Bilang parte ng paggamit ng iyong personal na datos para sa mga layuning nakasaad sa itaas, maaring ipamahagi ng Kumpanya ang iyong personal na impormasyon sa mga sumusunod:

• sinumang miyembro ng XM Group, nangangahulugan na alinman sa aming holding companies at kanilang mga subsidiaries ay maaaring makatanggap ng naturang impormasyon;

• aming associates at mga tagapagbigay ng serbisyo, para sa layuning pang-negosyo, kabilang ang mga ikatlong partido gaya ng mga tagapagbigay ng serbisyo sa negosyo at espesyalistang tagapayo na inarkila para bigyan kami ng serbisyong pang-administratibo, pangpinansyal, legal, pang-buwis, compliance, insurance, pananaliksik at iba pa;

• mga tagapagdala ng negosyo na mayroon kaming pakikipag-sosyo;

• mga partido sa negosyo, mga tagapagbigay ng credit, mga korte, mga hukuman at mga awtoridad sa regulasyon ayon sa pinagkasunduan o awtorisado ng batas;

• mga tagapagbigay ng serbisyo sa pagbabayad (Payment Service Providers) at/o institusyon ng bangko na may kinalaman sa mga isyu na tinalakay tungkol sa pag-deposito/pag-withdraw papunta/galing sa (mga) trading account na pinanghahawakan sa Kumpanya at/o para sa layunin ng pagsasagawa ng imbestigasyon tungkol sa mga naturang isyu (hal., mga deposito galing sa ikatlong partido);

• sinumang binigyan mo ng awtorisasyon.

Kung ibabahagi ng kumpanya ang iyong personal na impormasyon sa ibang partido sa negosyo, gaya ng mga kumpanya sa pagproseso ng card o mga bangko, para maisagawa ang mga serbisyo na hiniling ng mga kliyente, gaya ng mga ikatlong partido, maari nilang itago ang iyong impormasyon para makasunod sa kanilang mga legal na obligasyon at iba pa.

Sa kalahatan, hinihiling namin sa mga organisasyon na nasa labas ng XM Group na humahawak o kumukha ng personal na impormasyon na kilalanin ang pagiging kumpidensyal ng impormasyon na ito, respetuhin ang anumang karapatan ng indibidwal sa privacy at sumunod sa lahat ng mga kaugnay na batas sa data protection at ang Privacy Policy na ito. Ang mga third party service providers gaya ng credit referencing agencies (kung kinakailangan) ay maaaring magtago ng record ng alinman sa mga pagsusuri na isinagawa para sa amin at maaaring gamitin ang mga detalye na ito para tulungan ang iba pang mga kumpanya na isagawa ang mga ito. Mangyaring tandaan na ang paggamit ng iyong personal na impormasyon ng mga third parties na nagsisilbing data controllers ng iyong personal na impormasyon ay hindi sakop ng Privacy Policy na ito at hindi sakop ng aming mga pamantayan at pamamaraan sa privacy.

Tinatanggap at pumapayag ang mga Kliyente na paminsan-minsan, maaring analisahin ng Kumpanya ang datos na nakokolekta nito mula sa pagbibisita ng aming (mga) website o iba pang pamamaraan, gaya ng questionnaires, para sa pagsasagawa ng istatistika upang mapabuti ang aktibidad sa pagnenegosyo ng Kumpanya.

Maaari naming ilipat ang iyong personal na impormasyon na nasa loob o labas ng European Economic Area papunta sa iba pang kumpanya ng XM Group, pati sa mga tagapagbigay-serbisyo (ayan ay, mga Tagapagproseso). Kung ililipat namin ang iyong impormasyon sa labas ng EEA, sisiguraduhin namin na naaayon sa batas ang paglipat at obligado ang mga Tagapagproseso sa ibang bansa na sumunod sa batas ng Europa tungkol sa pagprotekta ng datos, o batas ng ibang bansa na maitutulad dito, at magtakda ng tamang pangangalaga kaugnay sa paglipat ng iyong datos alinsunod sa GDPR Article 46. Kung magkakaroon ng paglipat papunta sa mga Tagapagproseso sa USA, paminsan-minsan maaari kaming umasa sa mga angkop na pamantayan sa kontrata, umiiral na panuntunan ng korporasyon, o iba pang katumbas na kasunduan sa pangangalaga nito.

Kaugnay nito, ang iyong personal na impormasyon ay maaaring iproseso ng mga empleyado ng XM Group na nasa loob o labas ng EEA na nagtatrabaho para sa'min, iba pang sangay ng XM Group, o isa sa aming mga tagapagbigay-serbisyo. Maaaring nakikibahagi ang mga naturang empleyado sa pagpapatupad ng iyong request, pagproseso ng iyong bayad, at pagbibigay ng Support. Sa pamamagitan ng pagpapadala ng iyong personal na datos, sumasang-ayon ka sa paglipat, pagtago, at pagproseso nito. Gagawin ng Kumpanya ang lahat ng mga nararapat na hakbang para siguraduhing ligtas at naaayon sa Patakaran sa Privacy ang pagtrato sa iyong datos.

Maaring kuhanin ng mga tracking systems na ginagamit sa (mga) website ng Kumpanya ang iyong personal na datos para mapabuti pa ang mga serbisyo na ibinibigay sa mga kliyente/potensyal na kliyente nito. Kinukuha ng website ang impormasyon sa pamamagitan ng mga sumusunod na paraan:

• Impormasyon ng device

  Sa pamamagitan ng pagkilala sa device na iyong ginamit para pumunta at gamitin ang (mga) website ng Kumpanya, mabibigyan ka namin ng pinaka-angkop na bersyon ng aming (mga) website.

• Pagtala ng impormasyon

  Binibigyang-daan ang Kumpanya sa pagtatala ng kaugalian sa paggamit ng site para i-track ang ginagawa ng mga user para maresolba ang anumang problema na mangyayari.

• Impormasyon ng lokasyon

  Ang paggamit ng iyong IP address ay tumutulong sa amin para gawing lokal ang laman ng website, na ibinibigay namin sa iyo base sa iyong bansa, at para pagandahin ang iyong karanasan sa aming (mga) site.

• Mga Cookie

  Ang Cookies ay text files na may kaunting impormasyon na ipinapadala mula sa aming (mga) website patungo sa iyong web browser at itinatago sa hard drive ng iyong computer. Tinutulungan kami ng Cookies na pagandahin ang aming (mga) website at ang karanasan ng mga gumagamit nito, malaman ang mga nag-refer sa iyo (kung mayroon man) at pagandahin ang mga advertising campaign namin sa hinaharap.

• Lokal na storage

  Para ma-activate ang trading account mo, kailangan mong magpadala sa'min ng mga dokumento para ma-verify ito, gamit ang Members Area ng Kumpanya. Ipinapadala ang mga dokumentong ito sa pamamagitan ng secure 128-bit SSL connection at tinatago sa isang ligtas na lugar.

Ang internet cookies ay kapirasong impormasyon na ipinapadala mula sa aming (mga) website papunta sa iyong browser at itinatago sa hard drive ng iyong computer tuwing ginagamit ang aming (mga) website, at maaari itong magkaroon ng naiibang identification number. Kinokolekta ang impormasyong ito para sa layuning mabigyan ka ng mas naaayon at mas magandang karanasan sa aming (mga) website, kabilang na ang pagpapakita ng aming web pages ayon sa iyong pangangailangan o kagustuhan.

Madalas na ginagamit ang cookies sa maraming website sa internet, at makakapili ka kung paano mo tatanggapin ang cookies sa pamamagitan ng pagpalit ng preferences at mga opsyon sa iyong browser. Maaaring hindi mo mapuntahan ang ilang parte ng aming (mga) website kung pinili mong i-disable ang pagtanggap ng cookies sa iyong browser, partikular na sa Members Area ng Kumpanya at iba pang ligtas na parte ng aming (mga) website. Dahil dito, hinihikayat ka naming i-enable ang pagtanggap ng cookies para mapakinabangan mo ang lahat ng aming mga serbisyo online.

Bukod dito, ginagamit namin ang cookies para sa re-marketing features upang pahintulutan kaming makipag-ugnayan sa mga user na dati nang nakapunta sa aming (mga) website at nagpakita na ng interes sa aming mga produkto at serbisyo. Paminsan-minsan, maaari kaming gumamit ng mga ikatlong partido, tulad ng Google at AdRoll, para ipakita sa'yo ang aming ads sa internet, batay sa iyong nakaraang paggamit ng aming (mga) website. Maaari mong tanggihan anumang oras itong partikular na paggamit ng cookies sa pamamagitan ng pagpunta sa Ads Settings ng Google at opt-out sa DoubleClick o kung i-a-update man nila ito.

Gumagamit ang Kumpanya ng session ID cookies at persistent cookies. Nag-e-expire ang isang session ID cookie pagkatapos ng isang partikular na oras o kapag isinara ang browser window. Samantala, ang persistent cookies ay nananatili sa iyong hard drive sa loob ng mas mahabang panahon. Pwede mong tanggalin ang persistent cookies sa pamamagitan ng pagsunod sa hakbang na nakalagay sa Help file ng iyong web browser.

Para sa iba pang detalye tungkol sa patakaran namin sa cookies at kung paano tumatakbo ang cookies, basahin dito ang Patakaran sa Cookies.

Kapag kailangan namin ang iyong pahintulot kapag ginagamit ang iyong personal na impormasyon, ang pahintulot na ito ay naaayon sa nakasulat na tuntunin na sumasakop sa ating pakikipag-negosyo (na makikita sa aming (mga) website, at maaring baguhin paminsan-minsan), o anumang kontrata na sinang-ayunan natin o nakalagay sa aming pakikipag-ugnayan sa iyo.

Kung umaasa kami sa iyong pahintulot bilang legal na basehan sa pagtago at pagproseso ng iyong personal na impormasyon, mayroon kang karapatang bawiin ang pahintulot na ito anumang oras sa pamamagitan ng pakikipag-ugnayan sa amin gamit ang detalye sa pag-contact na nakalagay sa Patakaran sa Privacy na ito.

Napakahalaga sa amin ang pangangalaga sa iyong impormasyon, nakikipag-ugnayan ka man sa amin sa personal, telepono, sulat, internet o iba pang elektronikong pamamaraan. Itatago namin ang iyong personal na impormasyon hangga't nakikipag-negosyo kami sa'yo, sa kombinasyon ng ligtas na pasilidad sa computer at papel at iba pang record, at ginagawa namin ang mga nararapat na hakbang para protektahan ang iyong personal na impormasyon mula sa maling paggamit, pagkawala, hindi awtorisadong paggamit, pagbabago o pagsisiwalat.

Kung sa tingin naming hindi na kailangan ang personal na impormasyon ayon sa pangunang layunin kung bakit ito kinolekta, tatanggalin namin ang anumang detalye na kumikilala sa iyo o sisirain namin nang ligtas ang mga record. Kaya lang, maari naming itago ang record sa loob ng ilang taon. Halimbawa, kailangan naming sumunod sa ilang batas sa anti-money laundering kung saan kinakailangan naming itago ang mga sumusunod sa loob ng limang (5) taon matapos magtapos ang aming pakikipag-negosyo sa iyo:

• kopya ng mga dokumento na ginamit namin para makasunod sa mga obligasyon sa batas;

• sumusuportang ebidensya at record ng mga transaksyon natin at iyong pakikipag-negosyo sa amin.

Higit pa, ang hawak naming personal na impormasyon na nasa anyo ng naka-record na komunikasyon sa telepono, elektroniko, personal, o iba pa, ay itatago alinsunod sa lokal na regulasyon (ayan ay, 5 taon pagkatapos maputol ang ating pakikipag-negosyo, o mas mahaba pa kung mayroon kang lehitimong interes dito, tulad ng pagsasaayos ng ating alitan). Kung nagdesiyon ka na wag makatanggap ng komunikasyon sa marketing, itatago namin ang mga detalye mo sa aming suppression list para alam namin na ayaw mong makatanggap ng ganitong komunikasyon.

Maaari naming itago ang iyong datos nang mas matagal sa 5 taon kung hindi namin ito mabubura dahil sa legal, pang-regulasyon, o teknikal na dahilan.

Nakalagay sa ibaba ang mga karapatan mo kaugnay sa personal na impormasyon na pinanghahawakan namin tungkol sa'yo. Maaari mong gamitin ang mga karapatang ito sa pamamagitan ng pag-email sa'min sa dpo@trading-point.com.

Impormasyon at pag-access

Kapag tinanong mo kami, kukumpirmahin namin kung pinoproseso namin ang iyong personal na impormasyon at, kung oo, ano-anong mga impormasyon ang pinoproseso namin at, kung hihingiin, bibigyan ka namin ng kopya ng naturang personal na impormasyon (kasabay ng iba pang mga detalye) sa loob ng tatlumpung (30) araw mula sa petsa kung kailan ka nag-request. Kung kailangan mo pa ng dagdag na kopya, maaari kaming maningil ng naaayong administration fee.

Pagbabago

Mahalaga sa'min na naka-update ang iyong personal na impormasyon. Gagawin namin ang lahat ng nararapat na hakbang para siguraduhin na nananatiling tama, kumpleto, at bago ang iyong personal na impormasyon. Kung hindi tama o kumpleto ang personal na impormasyon na hawak namin tungkol sa'yo, pwede mo itong ipabago. Kung ibinigay namin sa iba ang iyong personal na impormasyon, ipapaalam namin sa kanila ang naturang pagbabago kung maaari. Kung tatanungin mo kami, at kung posible at naaayon sa batas, ipapaalam din namin sa'yo kung kanino namin ibinigay ang iyong personal na impormasyon para pwede kang direktang makipag-ugnayan sa kanila.

Maaari mong ipaalam sa amin anumang oras kung nagbago ang iyong personal na detalye sa pamamagitan ng pag-email sa support@trading-point.com. Papalitan ng Kumpanya ang iyong personal na impormasyon alinsunod sa bilin mo. Para matugunan ito, paminsan-minsan kakailanganin naming humingi ng sumusuportang dokumento bilang patunay, ayan ay, ang personal na impormasyon na kailangan naming itago alinsunod sa batas o regulasyon.

Pagbubura

Maari mo kaming pakiusapan na burahin o tanggalin ang iyong personal na impormasyon sa ilang pagkakataon gaya ng kung hindi na namin ito kailangan o kung binawi mo ang iyong pahintulot (kung naaangkop) basta't wala kaming legal na obligasyon na itago ang naturang datos. Ang mga hiling na ito ay sasailalim sa limitasyon sa pagtago at kailangan naming sumunod ayon sa mga batas at regulasyon sa seksyon na 'Pagtago ng Iyong Personal na Impormasyon at Tagal ng Pagtago'. Kung ibinahagi namin ang iyong personal na impormasyon sa iba, ipapaalam din namin sa kanila ang pagbura kung maari. Kung tatanungin mo kami, kapag posible at kung naaayon sa batas, ipapaalam din namin sa iyo kung kanino namin ibinahagi ang iyong personal na impormasyon para maari kang makipag-ugnayan sa kanila nang direkta.

Pagbabawal sa pagproseso

Maari mo din kaming pakiusapan na 'i-block' o itigil ang pagproseso ng iyong personal na datos sa ilang kaso, gaya ng kung hindi ka sumasang-ayon sa pagiging tama ng personal na impormasyon o kung tumatanggi ka sa pagproseso namin nito. Hindi nito mapapagilan ang pagtago namin ng iyong personal na impormasyon. Ipapaalam namin sa iyo bago kami mag-desisyon na hindi sumang-ayon sa anumang ini-request na pagbabawal. Kung binahagi namin ang iyong personal na impormasyon sa iba, ipapaalam din namin sa kanila ang pagbabawal kung maari. Kung tatanungin mo kami, kung posible at kung naaayon sa batas, ipapaalam din namin sa iyo kung kanino namin ibinahagi ang iyong personal na impormasyon para maari kang makipag-ugnayan sa kanila nang direkta.

Paglipat ng datos

Sa ilalim ng General Data Protection Regulation (679/2016), mayroon kang karapatan, sa ilang pangyayari, na kuhanin ang personal na impormasyon na ibinigay mo sa amin (sa nakabalangkas, madalas ginagamit at machine readable format) at gamitin ito sa iba o pakiusapan kami na ilipat ito sa ikatlong partido na iyong pinili.

Pagtanggi

Maari mo kaming pakiusapan na itigil ang pagproseso ng iyong personal na impormasyon, at gagawin namin ito, kung:

• umaasa kami sa lehitimong interes namin o ng iba para iproseso ang iyong personal na impormasyon, maliban na lang kung mapapakita namin na kinakailangan sa batas ang pagproseso nito;

• pinoproseso namin ang iyong personal na impormasyon para sa direktang pag-market; o

• pinoproseso namin ang iyong personal na impormasyon para sa pananaliksik, maliban na lang kung naniniwala kami na kinakailangan ang naturang pagproseso o mahalaga ito sa pagsasagawa ng gawain na para sa pampublikong interes (gaya ng ahensya sa regulasyon o pagpapatupad).

Kung nagsagawa kami ng desisyon tungkol sa iyo base sa mga awtomatikong proseso (hal. sa pamamagitan ng awtomatikong profiling) na nakakaapekto sa iyong abilidad na gamitin ang mga serbisyo o may malaking epekto ito sa iyo, maari kang mag-request na huwag isailalim sa naturang desisyon maliban na lamang kung kailangan ang naturang desisyon sa pagpasok o pagsasagawa ng kontrata sa pagitan natin. Kapag kailangan ang desisyon sa pagpasok sa kontrata, maari mong ilaban ang desisyon at mangailangan ng interbensyon ng tao. May posibilidad na hindi namin maibigay ang aming mga serbisyo at produkto sa iyo, kung papayag kami sa ganitong request (ayan ay, tatapusin namin ang pakikipag-negosyo sa iyo).

Kung ayaw mong gamitin namin ang iyong personal na impormasyon, kailangan mong ipaalam ito sa Kumpanya sa pamamagitan ng pagpapadala ng email sa dpo@trading-point.com}. Kung nagdesisyon ka na gawin ito, may posibilidad na hindi na namin mapagpatuloy ang pagbibigay ng impormasyon, serbisyo at/o produkto na hiniling mo at wala kaming obligasyon na gawin ito para sa iyo.

Para makipag-ugnayan sa aming Data Protection Officer:

Email address: dpo@trading-point.com

Address: 12 Richard & Verengaria Street, Araouzos Castle Court, 3042 Limassol, at P.O. box 50626, 3608 Limassol, Cyprus

Kung nakatira ka sa UK, maaari kang makipag-ugnayan sa aming kinatawan sa UK:

Trading Point of Financial Instruments UK Ltd

Email address: ukrep@trading.com

Address: Citypoint Building, 1 Ropemaker Street, London, EC2Y 9HT

May posibilidad na ibahagi ng Kumpanya ang iyong mga personal na impormasyon ayon sa aming mga tuntunin at regulasyon at kapag sa tingin ng Kumpanya kinakailangan ang pagbabahagi para protektahan ang aming mga karapatan at/o para sumunod sa anumang hukuman, utos ng korte, legal na proseso o para sa alinmang governmental, intergovernmental o iba pang regulatory bodies. Hindi mananagot at Kumpanya sa hindi tamang paggamit o pagkawala ng personal na impormasyon o anuman na nasa (mga) website ng Kumpanya na hindi kinu-kontrol o pinanghahawakan ng Kumpanya. Walang pananagutan ang Kumpanya sa anumang hindi legal o walang pahintulot na paggamit ng iyong personal na impormasyon dahil sa hindi tamang paggamit o pagkawala ng iyong mga password, pabaya o malisyosong paggamit at/o anupaman dahil sa iyo o dahil sa mga ginawa mo o pagkukulang o ng tao na binigyan mo ng awtorisasyon (pinapahintulutan man o hindi ang awtorisasyon na ito ayon sa ating legal na relasyon).

Ang aming Patakaran sa Privacy ay sinusuri paminsan-minsan para sakupin ang mga bagong batas at teknolohiya, mga pagbabago sa aming operasyon at pamamaraan, at para siguruhin na nananatili itong angkop sa pabagu-bagong kapaligiran.

Kung nagdesisyon kaming baguhin ang aming Patakaran sa Privacy, ilalagay namin ang mga pagbabagong ito sa Patakaran sa Privacy na ito at anumang angkop na lugar para malaman mo ang mga impormasyon na aming kinokolekta, paano namin ito ginagamit, at tuwing kailan namin ito ibinibigay, kung mayroon man.

Kung nababahala ka sa anumang aspeto ng aming patakaran sa privacy, pwede kang magpadala ng reklamo. Tutugunan ito sa lalong madaling panahon. Para magreklamo, mangyaring mag-email sa complaints@trading-point.com.

Kung hindi ka nasisiyahan sa pagtugon namin sa iyong reklamo, may karapatan kang magpadala ng reklamo sa aming tagapangasiwa, ang Opisina ng Komisyonado sa Pagprotekta ng Personal na Datos (ang "Komisyonado"). Mahahanap mo ang detalye kung paano ito gawin sa website ng Komisyonado sa http://www.dataprotection.gov.cy o sa pamamagitan ng pagtawag sa +357 22818456.

Kung may mga tanong ka tungkol sa aming Patakaran sa Privacy, mag-email sa support@trading-point.com o sa dpo@trading-point.com.