CSR

XMنے بیمار بچوں کے خواب کو حقیقت بنایا

• A- A A+

جان لیوا بیماریوں میں مبتلا بچوں کی زندگی میں خوشی کے لمحات لانے کے لیے XM نے ساؤتھ افریقہ کی ریچ فار اے ڈریم (Reach for a Dream ) فاؤنڈیشن کے ساتھ تعاون کیا۔ ہر مہینے ہم دو بہادر بچوں کا خواب پورا کرتے ہیں۔

جون میں، اسی مقصد کے تحت ہم نے دو ایسے بچوں سے رابطہ کیا جن کی حالت تشویشناک ہے، ہم نے ان کی خواہشات پوری کیں۔

اینتھونی ایک شرمیلا لڑکا ہے جس کو کھانا پکانے اور اپنی بائیک چلانے میں مزہ آتا ہے۔ وہ بڑا ہوکر سرجن بننا چاہتا ہے۔ اس کی سالگرہ کے موقع پر، ہم اس سے ملنے گئے اور اس کی فیملی سے بھی ملاقات کی۔ ہمیں فاؤنڈیشن کے ذریعے معلوم ہوا تھا کہ اینتھونی ہمیشہ سے چاہتا ہے کہ اس کے پاس ایک عدد لیپ ٹاپ ہو، تو ہم نے اس کے لیے ایک ایسا ماڈل منتخب کیا جس سے اسے کھیل و تفریح کے ساتھ سیکھنے کے عمل میں بھی مدد مل سکے۔ اینتھونی اور اس کے گھر والے اس تحفے پر بے حد خوش ہوئے اور ہمیں یہ خوشی ان کے ساتھ بانٹ کر بہت اچھا محسوس ہوا۔

ہم ایک اور لڑکے سے ملنے گئے جو اپنی پہچان ظاہر نہیں کرنا چاہتا تھا۔ اس نے ہم سے کہا کہ ہم اسے ‘معصوم لڑکا’ کہہ کر مخاطب کریں۔ وہ ایک پھرتیلہ لڑکا ہے جسے کارٹون دیکھنا بہت پسند ہے۔ باس بے بی (Boss Baby) والا کیک کھانا اس کی خواہش تھی جو ایک مشہور اینیمیٹڈ فلم کا کردار ہے۔ XM اس لڑکے کے لیے یہ کیک لے کر گیا اور ساتھ ہی کافی سارے کھلونے بھی دیے۔ جب اس سے پوچھا گیا کہ اس کا پسندیدہ کھلونا کون سا ہے تو اس نے جواب دیا، “اس کو سارے ہی پسند ہیں!”

آپ مزید بچوں کے خواب پورے کرسکتے ہیں یا ریچ فار اے ڈریم فاؤنڈیشن میں کسی بچے کو ریفر کرسکتے ہیں جسے مدد کی ضرورت ہو، ویب سائٹ۔