CSR

XM نے ضرورت مند بچوں کے فیملی ایونٹ کو فنڈ دیا

• A- A A+

اکتوبر 2022 میں، XM نے ینگ ہارٹس اینرچمنٹ پروگرام (Young Hearts Enrichment Programme) کے تحت کم آمدنی والے خاندانوں سے تعلق رکھنے والے بچوں کے لیے سنگاپور ریڈ کراس کے زیرِ اہتمام جھینگے پکڑنے کے پروگرام (Prawning Program) کے لیے فنڈ فراہم کیا۔

ان بچوں نے اپنے گھر والوں کے ساتھ ORTO میں ایک بھرپور دن گزارا جہاں انہوں نے سارا دن ڈھیر سارے جھینگے پکڑے اور پھر باربی کیو کا مزہ اٹھایا۔ ORTO سنگاپور میں جھینگے پکڑنے کی سب سے بڑی جگہ ہے جو چاروں طرف سے ہریالی، رنگ برنگی جھاڑیوں، اور ایک خوبصورت جھیل سے گھری ہوئی ہے۔ یہ فیملی ایونٹ سارا دن بے شمار تفریحی سرگرمیوں، بچوں کی ہنسی اور ننھے چہروں کی مسکراہٹوں سے بھرپور رہا۔

زندگی کے ایسے مسحورکُن مختلف تجربات انسان کی شخصی تشکیل میں اہم کردار ادا کرتے ہیں۔ اس طرح کی سرگرمیوں کی رسائی آسان کرکے، ریڈ کراس ایسے غریب خاندانوں کی سماجی اور جذباتی ضروریات کا خیال کرتا ہے جو اپنے حالات کے پیشِ نظر اس طرح کی سرگرمیوں سے محروم رہ جاتے ہیں۔ اور اس سے بھی اہم بات یہ ہے کہ یہ بچوں کی شعوری نشوونما میں اہم کردار ادا کرتا ہے تاکہ وہ غربت سے چھٹکارا پا کر اپنے لیے ایک بہتر مستقبل کی بنیاد رکھ سکیں۔

سنگاپور ریڈ کراس کی طرح، ہمارا بھی ماننا ہے کہ دنیا میں کسی کو بھی تکلیف یا پریشانی درپیش نہیں ہونی چاہئے۔ XM دنیا بھر میں غربت، بھوک اور دیگر سماجی مسائل سے لڑنے والے پروجیکٹس اور آرگنائزیشن کے ساتھ اپنا کام جاری رکھنے کے لیے پُرعزم رہے گا۔

آپ سنگاپور ریڈکراس کے دیگر پروجیکٹس اور مشن کے بارے میں مزید ان کی ویب سائٹ پر جان سکتے ہیں یا ریڈ کراس کو اپنا عطیہ دینے کے لیے کلک کریں یہاں۔