CSR

XM اور We Listen Malaysia نے ملکر محبتیں بکھیری

• A- A A+

سائپرس میں ہمارے ہیڈکوارٹر کے زیر اہتمام ایک خوبصورت تعاون میں، ہم نے حال ہی میں سیلانگور میں We Listen Malaysia آرگنائزیشن کے ساتھ مل کر کام کیا، جس کے تحت ہم نے Cahaya Kasih Bestari Care Center نام کے یتیم خانے میں مدد فراہم کی تاکہ ان کے دیکھ بھال اور نگہداشت کے اس عظیم مقصد کو سراہا جاسکے۔

چاول، اوئسٹر ساس، چکن، صابن، ڈائپر سے لے کر لرننگ سیٹ تک، اور وینٹیلیشن پنکھوں اور ساتھ ہی واشنگ مشین تک، جو چیزیں ہم نے عطیہ کی ہیں وہ یقیناً نوجوانوں کی مناسب دیکھ بھال اور فلاح و بہبود میں معاون ثابت ہوں گی۔

سائپرس اور یونان سے ہمارے ٹیم ممبرز ملائیشیا پہنچے اور بچوں میں خود اشیاء تقسیم کیں۔ ہمارے ٹیم ممبرز ان بچوں کے والہانہ ردعمل پر بہت خوش ہوئے۔ انہیں ان کے ساتھ کچھ تفریحی سرگرمیاں کرنے کا موقع بھی ملا جن میں کچھ ایسی یادگار چیزیں شامل ہیں جو ہمیں یقین ہے کہ ہر کوئی ہمیشہ کے لیے یاد رکھے گا۔

ہمارا یہ اقدام We Listen Malaysia آرگنائزیشن کی مدد کے بغیر ممکن نہیں تھا۔ یہ ایک این جی او ہے جو ضرورت مند افراد کی فلاح و بہبود کو یقینی بنانے اور امداد فراہم کرنے کے لیے کام کرتی ہے۔ ان کی لگن ہمارے لیے عملی نمونہ ہے جو اس بات کو ثابت کرتی ہے کہ عظیم لوگ اور بے لوث اقدامات واقعی دنیا کو بدل سکتے ہیں۔

یہ چیریٹی ایونٹ ہمارے #WeListenCare پروگرام کے اندر آتا ہے، جس کا مقصد بچوں کی زندگیوں کے معاملات سنبھالنے کا بوجھ کم کرکے یتیم خانوں اور ایسے دیگر مراکز کے انتظامات میں مدد کرنا ہے۔ Cahaya Kasih Bestari Care Center میں ہماری کوشش کامیاب ثابت ہوئی، جس نے مزید بچوں کی زندگیوں کو بہتر سے بہتر بنانے، اور اسی طرح دنیا بھر کے ضرورت مند بچوں کی مدد کرنے کے ہمارے خواب میں ایک اور سنگ میل کا اضافہ کیا۔

ہم اس چیریٹی پر بے حد خوشی اور فخر محسوس کررہے ہیں۔ کیونکہ ہم نے اس دن دیکھا کہ نہ صرف بچے اپنے چہروں پر مسکراہٹ کے ساتھ سونے کے لیے لیٹے بلکہ وہ ایک پُرسکون اور بھرپور دن کی خوشی لیکر نیند کی آغوش میں گئے۔ 2023 کی ہماری اس آخری چیریٹی کے ساتھ، ہم نے 2024 کا سال یہ جانتے ہوئے شروع کیا کہ ہم اپنے مقاصد اور اپنے مشن کی جانب ثابت قدم رہے۔ ہم انسانیت کا درد رکھتے ہیں۔ ہم XM ہیں۔

یہ ایونٹ 27 نومبر 2023 کو Cahaya Kasih Bestari Care Center یتیم خانہ میں منقد ہوا، یہ XM کے ذریعے اس سال ملائیشیا میں منعقد ہونے والا چوتھا چیریٹی ایونٹ ہے اور یہ دنیا بھر کی کمیونٹیز کے لیے ہماری بے لوث خدمتوں کی مسلسل کوششوں کا حصہ ہے۔

اس دنیا کو ایک بہتر جگہ بنانے کے لیے، We Listen Malaysia آرگنائزیشن کے بارے میں مزید جانیں اور اپنے عطیات دیں۔