CSR

XM اور سنگاپور ریڈ کراس کا مظبوط تعلق

• A- A A+

انسانی ہمدردی کے اقدامات کے تحت، XM کو حال ہی میں سنگاپور ریڈ کراس کے ہیڈ کوارٹر کا دورہ کرنے کا اعزاز حاصل ہوا، جو دو سالوں سے کئی چیریٹیبل ایکشنز میں ہمارا پارٹنر رہا ہے۔ اس وزٹ کا مقصد تعلقات کو مضبوط بنانا، آنے والی کیمپینز پر تبادلہ خیال کرنا اور آرگنائزیشن کے اقدامات کے بارے میں مزید معلومات حاصل کرنا تھا۔

سنگاپور ریڈ کراس کا قیام 1949 میں کیا گیا۔ یہ ایک مقامی ہیومینٹیرین آرگنائزیشن ہے جس کا مقصد انسانی مصائب کو دور کرنا اور ہنگامی حالات میں فوری کاروائی عمل میں لانا ہے۔ وہ مختلف پروگراموں کے ذریعے ضرورت مند کمیونیٹیز کی خدمت کرتے ہیں، جن میں خون کا عطیہ، معذوروں اور بزرگوں کی مدد، اور کمیونٹی کی ابتدائی طبی امداد شامل ہیں۔

اس وزٹ کے دوران، XM ٹیم کا بڑے پُرتپاک انداز میں استقبال کیا گیا اور آرگنائزیشن کی تمام سہولیات کے بارے میں آگاہی دی گئی۔ بات چیت کا مرکز نئی کیمپینز، باہمی اعتماد اور ایک دوسرے کے ورک کلچر کو سمجھنے کے بارے میں تھا۔

ہم XM کی سنگاپور ریڈ کراس کے ساتھ پارٹنرشپ کو مزید پھلتے پھولتے دیکھنا چاہتے ہیں تاکہ دونوں ادارے مل کر سنگاپور کی سوسائٹی میں ایک مثبت فرق پیدا کرسکیں۔ آپ سنگاپور ریڈ کراس کے دیگر قابلِ ذکر اقدامات کے بارے میں ان کی ویب سائٹ کے ذریعے جان سکتے ہیں: redcross.sg۔