سنگاپور میں 40 افراد کے لیے XM کی پرتپاک دعوت

‏یہ 07/09/2023 کو (PKT) 14:35 پر پوسٹ کیا گيا. مزید پڑھیے CSR

ہم نے 4 اگست کو بیڈوک، سنگاپور کی پسماندہ کمیونٹیز کے لیے مختص ایک زبردست پروگرام کی حمایت میں Free Food For All (FFFA) کو اپنا عطیہ دیا۔

“40 افراد کے ساتھ ڈنر” کا پروگرام، FFFA کا ایک حیرت انگیز اقدام ہے جس کے ذریعے ‏مختلف کمیونیٹیز کے 40 ضرورت مند افراد ایک مزیدار دعوت سے لطف اندوز ہونے کے لیے یکجا ہوتے ہیں۔ اس سے وہ پسماندگی سے مقابلہ کرنے، کمیونٹی کے درمیان ایک مضبوط رابطہ قائم کرنے اور سماجی شمولیت کو فروغ دینے کے قابل بنتے ہیں۔

یہ گروپ 40 ایسے لوگوں پر مشتمل ہوتا ہے جن کا تعلق کم آمدنی والے خاندانوں سے ہوتا ہے، یا وہ بے گھر ہوتے ہیں، معذور، زخمی مائگرینٹس ورکرز، نیز بیڈوک میں موجود ہر وہ شخص جو کسی بھی قسم کی معاشی تنگدستی کا شکار ہو۔ انہیں ڈنر کی دعوت دی جاتی ہے تاکہ وہ ایک دوسرے سے جڑ سکیں، بات کرسکیں اور آپس میں ایک معاون اور مددگار رشتہ استوار کرسکیں۔

“40 افراد کے ساتھ ڈنر” کا پروگرام ہماری کمپنی کی قدروں سے ملتا جلتا ہے۔ اس کا مقصد ہماری انڈسٹری اور جن کمیونیٹیز کی ہم خدمت کرتے ہیں، دونوں پر ایک مثبت اثر پیدا کرنا ہے۔

پروگرام کے اہم مقاصد ہیں:

  • ضرورت مند افراد تک غذائیت سے بھرپور کھانوں کی ترسیل کو یقینی بنانا
  • شرکاء کے درمیان برادری اور تعلق کے احساس کو اجاگر کرنا تاکہ وہ تنہائی اور پسماندگی سے مقابلہ کرسکیں
  • ضرورت مند افراد کو درپیش مسائل اور سماجی عدم مساوات کو ختم کرنے کی اہمیت کے بارے میں شعور اور آگاہی بڑھانا
  • ضرورت مند اور پسماندہ افراد کو بااختیار بنا کر انہیں ترقی دینا

ہمارا FFFA کو دیا گیا عطیہ کارپوریٹ سیکٹر اور نان پرافٹ آرگنائزیشنز کے مابین تعاون کی اہمیت کو مثبت سماجی تبدیلی کے طور پر ابھارتا ہے۔

ضرورت مند افراد کی ترقی کے لیے ڈیزائن کیے گئے “40 افراد کے ساتھ ڈنر” جیسے اقدامات کی طرف وسائل اور کوششوں کی راہیں ہموار کرکے، کمپنیز ایک بہتر اور ہمدرد معاشرے کی تشکیل میں اہم کردار ادا کر سکتی ہیں۔

مزید معلومات اور Free Food For Allکو اپنا عطیہ دینے کے لیے، ان کی ویب سائٹ وزٹ کریں یہاں۔

تازہ ترین پوسٹ