XM ඇමරිකා එක්සත් ජනපදයේ පදිංචිකරුවන්ට සේවා සැපයීම සිදු නොකරයි.
සිංගප්පූරුවේ RCHD සමග XM සතුට සහ විනෝදය සපයයි
පළ කළ දිනය: 17/01/2024 17:21 GMT. වැඩිදුරටත් කියවන්න CSRඅපි මෑතකදී සිංගප්පූරුවේ Red Cross Home for the Disabled (RCHD) සමග සහයෝගීතාවෙන් එක්ව “ඩිස්නි සජීවීකරණ ප්‍රදර්ශන සංචාරයක්” සංවිධානය කළෙමු. ඒ එය බෙහෙවින්ම අවශ්‍ය කළ පුද්ගලයින් කිහිප දෙනෙකු සඳහායි.
Red Cross Home හි වාසය කළ දැඩි කායික සහ බුද්ධිමය අබාධවලින් පෙළෙන පුද්ගලයින් 12 දෙනෙකු වෙත ඉන්ද්‍රජාල සහ විස්මයන්ගෙන් පිරි ක්‍රියාකාරකමක් සමගින් චිකිත්සක අත්දැකීමක් ලබා දෙමින් සිය මානසික තත්ත්වය ඉහළ නංවා ඔවුන්ව සතුටු කිරීමේ අරමුණින් මෙම අවස්ථාව සංවිධානය කෙරිණ.
RCHD යනු එවැනි අභියෝගවලට මුහුණ දෙන පුද්ගලයින් සඳහා වන එරට ප්‍රථම නේවාසික නිවහන වන අතර තමන්ව රැකබලා ගැනීමට නොහැකි ආබාධිත වැඩිහිටියන් 100 දෙනෙකු සඳහා පැය 24 පුරාවටම රැකවරණය සපයයි.
මෙම වැඩසටහන මගින් එහි වාසය කරන පුද්ගලයින්ට අරමුදල් සැපයීම මගින් අත්‍යාවශ්‍ය ද්‍රව්‍ය ලබා ගැනීමට දැඩි වෙහෙසක් දරන පවුල්වල මූල්‍යමය බර ලිහිල් කිරීමට ද උත්සාහ කරයි. සිංගප්පූරු රතු කුරුස සංවිධානය එහි මානුෂීය ප්‍රයත්නයන්ගෙන් කැපී පෙනෙන අතර එහි මෙහෙවර වන්නේ මිනිස් දුක්වේදනාවලට සහන සැලසීම, මිනිස් ජීවිත සහ ගරුත්වය ආරක්ෂා කිරීම සහ හදිසි අවස්ථාවන්ට ප්‍රතිචාර දැක්වීමයි.
කැපවීමෙන් කටයුතු කරන RCHD කණ්ඩායම විසින් මෙම අවස්ථාව ඉතා මැනවින් සංවිධානය කරන ලද අතර සිය ගත සහ මනස උත්තේජනය කරන ක්‍රියාකාරකම් භුක්ති විඳිමින් ඒ සඳහා සම්බන්ධ වූ පුද්ගලයින් 12 දෙනා ඩිස්නි ඉන්ද්‍රජාල අත්විඳිනු දැක ගත හැකි විය. මෙම කාර්යය සඳහා දරන ලද සියලු උත්සාහයන් වෙනුවෙන් අපි කෘතඥ වන අතර ධනාත්මක වෙනසක් ඇති කිරීමට ඔවුන්ට උපකාර කිරීමට අපට ඉඩ සැලසීම පිළිබඳ අපි RCHD වෙත ස්තූතිය පළ කර සිටින්නෙමු.
2023 නොවැම්බර් 23 සහ 30 යන දිනවලදී මරීනා බේ සෑන්ඩ්ස්හි සෑන්ඩ්ස් රඟහලේ දී සංවිධානය කරන ලද අවස්ථාව එම වසරේ සිංගප්පූරුවේ දී XM විසින් අනුග්‍රහය සලසන ලද තෙවන කටයුත්ත වන අතර එය ලොව පුරා වෙසෙන ප්‍රජාවට සහාය සැපයීමට වන අපගේ අඛණ්ඩ උත්සාහයේ කොටසක් ලෙස පෙන්වා දිය හැකිය.
