XM ඇමරිකා එක්සත් ජනපදයේ පදිංචිකරුවන්ට සේවා සැපයීම සිදු නොකරයි.
ඉරාක පුණ්‍යායතන සඳහා XM සිය පරිත්‍යාග සිදු කරයි
පළ කළ දිනය: 07/12/2022 15:30 GMT. වැඩිදුරටත් කියවන්න CSRබැග්ඩෑඩ් සහ ඩොහුක්හි අනාථ දරුවන්ට සහ අවශ්‍යතා ඇති දරුවන්ට ඔවුන්ගේ අධ්‍යාපනය අඛණ්ඩව හැදෑරීම සඳහා උපකාර කිරීමට, XM ඉරාකයේ Nobles පුණ්‍ය පදනම සහ Shareteah මානව හිතවාදී සංවිධානය සමග සහයෝගයෙන් කටයුතු කර ඇත.
සිය පවුලේ සහයෝගය සහ රැකවරණය නොමැති බොහෝ දරුවන් පාසල් අධ්‍යාපනය හැදෑරීමට අවශ්‍ය කරන මූලික වියදම් පියවා ගැනීමට නොහැකිව දුෂ්කරතාවලින් පෙළෙන අතර පාසල් ගමන අතරමග නැවැත්වීමට ඔවුනට බල කෙරේ. පාසල් උපකරණ ලබා ගැනීමට නොහැකි දරුවන්ට අපි බෑග්, සටහන් පොත්, ලිපි ද්‍රව්‍ය සහ පාසල් නිල ඇඳුම් පරිත්‍යාග කළෙමු.
මූල්‍යමය හේතු මත පාසල් ගමන නවත්වන දරුවන්ගේ සංඛ්‍යාව ඉහළ මට්ටමක පවතියි. ඉරාකයේ අනාථ දරුවන් මිලියන 5කට අධික ප්‍රමාණයක් සහ අවතැන් වූ ළමුන් මිලියනයකට අධික සංඛ්‍යාවක් සිටිති. ඔවුන්ගෙන් අති බහුතරයකට පාසල් අධ්‍යාපනය හැදෑරීමට අවශ්‍ය නමුත් ඔවුනට එය ලබා ගත නොහැකිය. ඉගෙනීමට අවස්ථාවක් නොමැතිව ඔවුනට දියුණු වීමට සහ දීප්තිමත් අනාගතයක් ගොඩනගා ගැනීමට අවස්ථාවක් නොමැත. අධ්‍යාපනය මගින් ගෙන එනු ලබන ව්‍යූහය සහ අවස්ථාව නොමැතිව ඔවුන්ගේ විකල්පයන් සීමා වන අතර බොහෝ දෙනා දරිද්‍රතාවයෙන් පෙළෙන ජීවිතයකට මුහුණ දෙති.
Nobles පුණ්‍ය පදනම සහ Shareteah මානව හිතවාදී සංවිධානය වැනි පුණ්‍යායතන මගින් අධ්‍යාපනයට පහසුවෙන් ප්‍රවේශ විය හැකි වීමට සහ සෑම දරුවෙකුටම සිය අධ්‍යාපනය අවසන් කිරීමට මෙන්ම දරිද්‍රතාවෙන් මිදීමට උපකාර කිරීම සඳහා පෞද්ගලික පාඩම්, පාසල් උපකරණ සහ නිල ඇඳුම් සපයයි.
ගුණාත්මක අධ්‍යාපනයට වැඩි ප්‍රවේශයක් ළඟා කරලීම අපගේ ආයතනික සමාජ වගකීම් වැඩසටහනේ එක් ඉලක්කයකි. වසර ගණනාවක් පුරාවට, XM ඒ සඳහා කැපවී සිටින බොහෝ පුණ්‍යායතනවලට සහාය ලබා දී ඇති අතර තවත් සහයෝගීතා ඉදිරියෙහි පවතී.
ඔබට ඔවුන්ගේ කාර්යයන් සම්බන්ධයෙන් වැඩිදුර තොරතුරු ලබා ගැනීමට අවශ්‍ය නම් හෝ පරිත්‍යාගයක් සිදු කිරීමට අවශ්‍ය නම්, මෙතනින් Nobles පුණ්‍ය පදනමේ වෙබ් අඩවියටත්, මෙතනින් Shareteah මානව හිතවාදී සංවිධානයේ වෙබ් අඩවියටත් පිවිසෙන්න.
