Hindi nagbibigay ng serbisyo ang XM sa mga residente ng Estados Unidos.
Sinusuportahan ng XM ang mga Nakakatanda sa Peru
Ipinaskil Pebrero 1, 2023 ng 2:10 PM GMT. Magbasa Pa BalitaNoong Disyembre, nakipagtulungan ang XM sa organisasyon na Nietos Itinerantes sa Peru para mag-organisa ng bingo sa mga matatanda na nakatira sa San Miguel Residential Care Center sa Lima. Bukod dito, nag-donate din kami ng mga kagamitang medikal sa pasilidad na ito na kabilang sa National Comprehensive Program for Family Well-being (INABIF).
Kahit na ipinagbubunyi natin ang mas mahabang buhay, nagdadala ito ng bagong pagsubok lalo na sa mga mahihirap. Ang San Miguel Residential Care Center ay nagbibigay sa mga matatanda ng tirahan, nutrisyon, medisina, libangan, at marami pang iba. Para suportahan ang mga residente nito, nag-donate kami ng kagamitang medikal kabilang ang mga first-aid na produkto at gamit na kailangan ng mga nahihirapang gumalaw.
Habang nagbi-bingo, nakisaya at nakisalamuha sa isa’t-isa ang mga residente. Karaniwang lumiliit ang mundo ng matatanda dahil sa problemang pangkalusugan. At para sa mga naghihikahos, kadalasang mahirap putulin ang siklo ng kalungkutan. Sa tulong ng mga libreng aktibidad at event, mas madali silang nagkakaroon ng koneksyon sa kapwa, at nagbibigay ito ng ligaya sa kanilang buhay.
Para sa marami, humahantong sa pagbaba ng kalidad ng buhay ang pagtanda. Pero hindi naman ito dapat mangyari. Ipinagmamalaki naming makipagtulungan sa mga organisasyon tulad ng Nietos Itinerantes, na tumutulong sa mga matatanda na makisalamuha, manatiling malusog, at makuha ang kailangan nilang tulong.
