Balita

Bronze Sponsor ang XM sa Blockchain Land

• A- A A+

Nitong Oktubre 5 hanggang 7, lumahok ang XM bilang Bronze Sponsor sa Blockchain Land Conference sa Nuevo Leon, Mexico. Isa itong pambihirang pagkakataon para makilala at makipag-ugnayan sa mga kliyente, dumalo sa mga workshop, at makinig sa presentasyon ng mga eksperto. Maliban dito, may nakuha din na Guinness World Record sa mismong event.

Ang Blockchain Land ay isa sa mga pinakamalaking kaganapan sa industriya ng blockchain, kung saan 12,000+ ang pumunta at mahigit 650,000 ang nanood online. Nagtipon-tipon ang mga kumpanya ng blockchain, pati mga start-up, negosyante, trader, estudyante, at mga taong interesado sa blockchain sa Latin America. Dito, natutunan at napag-usapan nila ang mga pamamaraan kung paano uusad sa hinaharap ang industriya.

Hinati sa apat na lugar ang venue na dedikado sa Pananalapi, NFT, Pagnenegosyo, at Paggawa ng Software. May malaking papel ang XM sa exhibition ng Pananalapi, kung saan Crypto CFDs ang naging tema ng booth. Nagkaroon kami ng 3 matagumpay na araw na punong-puno ng pakikipag-usap sa mga kliyente, partner, at mga kasama sa industriya.

Nagbahagi ng malawak na kaalaman ang mga nangungunang propesyonal, at nagsilbi ito bilang lugar kung saan ibinalita ang mga pinakabagong trend at umuusbong na oportunidad sa industriya. Pinamunuan ng aming instruktor na si Christian Borjón ang dinagsang presentasyon na pinamagatang Paano Mag-trade ng Crypto sa Macroeconomic na Kapaligiran. Pero hindi maikakaila na ang highlight ng event ay ang Pinakamalaking Klase sa Crypto na nanalo sa Guinness World Records dahil sa dumalo na 289 na katao.

Pinasasalamatan namin ang Blockchain Land dahil sa napakasayang karanasan, pati na ang lahat ng bumisita sa booth ng XM at mga pumunta sa aming presentasyon. Inaasahan naming makita ulit kayo sa mga event na sinusuportahan at dinadaluhan namin.